प्रहरीको केन्द्रीय अनुसन्धान व्युरो (सिआइबी)ले सिंहदरबारभित्र कार्यरत कर्मचारीलाई पक्राउ गरेको छ । राष्ट्रिय परिचयपत्र तथा पञ्जीकरण विभागमा कार्यरत दुई कर्मचारीलाई सिआइबीले ललितपुरबाट नियन्त्रणमा लिएर अनुसन्धान गरिरहेको जनाएको छ ।
पक्राउ परेकाहरुमध्ये राष्ट्रिय परिचयपत्र तथा पञ्जिकरण विभागका दर्ता अपरेटरका रुपमा कार्यरत सुनिल प्रभाग रेग्मी र आशिष कुमाल रहेका छन् ।
उनीहरुले पञ्जिकरण विभागको दर्ता अपरेटरको यूजर आइडी र पासपोर्ट दुरुपयोग गरि विभिन्न व्यक्तिहरुको विवरण हेरफेर गरि राष्ट्रिय परितयपत्र एप्रुभ गरेको पाइएको सिआइबीले जनाएको छ ।
बिज्ञापन
ललितपुरबाट पक्राउ परेका उनीहरु उपर राष्ट्रिय परिचयपत्र तथा पञ्जीकरण ऐन ०७६ परिच्छेद ६ को दफा ४१ को कसुरमा काठमाडै जिल्ला अदालतबाट पहिलो पटक ५ दिन म्याद गरी अनुसन्धान भइरहेको सिआइबीका प्रवक्ता शिवकुमार श्रेष्ठले जनाएका छन् ।
बिज्ञापन
